Eminin idmançıya bağışladığı saatın qiyməti bu qədər imiş – VİDEO
Xəbər verdiyimiz kimi, xalq artisti Emin Ağalarov “UFC Fight Night Baku” turnirində braziliyalı Mişel Pereyranı məğlub edən rusiyalı MMA döyüşçüsü Şarabutdin Maqomedova saat bağışlayıb.
Eminin Maqomedova bağışladığı saat məşhur U-BOAT modelidir.
Firma Emin Ağalarova həsr olunmuş “U-BOAT U-1001 55 mm” “EMİN Limited Edition” unikal modelini hazırlayıb. Saatın sağ tərəfində və arxa qapağında “EMİN” səhnə adı qeyd olunub. Model məhdud sayda – cəmi 100 ədəd buraxılıb (Bu barədə Emin Ağalarov özü də saatı hədiyyə edərkən deyir).
Saat ETA şirkətinə məxsus manufaktur mexanizmlə təchiz olunub. Korpus təbii titandan hazırlanıb. Suya davamlılıq isə 1001 m-dir. Yəni suyun 1001 metr dərinliyində bu saat işləyir.
“U-BOAT U-1001 55 mm” saatının qiyməti şirkətin rəsmi səhifəsində 5500 avro göstərilib.
